Dog and Donkey Odia Story | Free PDF Download

Dog and Donkey Odia Story: In this story, Dog and Donkey are going to the market. They want to get some apples, but they don’t have enough money between them.

କୁକୁର ଓ ଗଧର କାହାଣୀ

ଗୋଟିଏ ଗ୍ରାମର ଶେଷ ମୁଣ୍ଡରେ ଧୋବାଟିଏ ବାସ କରୁଥିଲା l ଗ୍ରାମବାସୀମାନଙ୍କର ଲୁଗାପଟା ସଫା କରି ଦି ‘ ପଇସା ରୋଜଗାର କରି ନିଜର ଗୁଜୁରାଣ ମେଣ୍ଟାଏ l ଧୋବା ତାର ଘରେ ଗୋଟେ କୁକୁର ଏବଂ ଗୋଟିଏ ଗଧ ପାଳିଥାଏ l ଜୀବ ଦୁଇଟି ମଧ୍ୟ ଧୋବାଟିକୁ ବେଶ ମାନନ୍ତି l ଗଧ ଧୋବାର ଲୁଗାପଟା ନେବା ଆଣିବାରେ ସାହାଯ୍ୟ କରୁଥିଲାବେଳେ କୁକୁର ରାତିରେ ଚୋର ଜଗିବା ପଇସା ନିୟୋଜିତ ହୋଇଥାଏ l କେଉଁଠାରେ ଟିକେ ଶବ୍ଦ ହେଲା ମାତ୍ରକେ କୁକୁର ଭୋକିବାକୁ ଆରମ୍ଭ କରେ l ଅନ୍ୟ ଅର୍ଥରେ କହିଲେ, କୁକୁର ତାର ମୁନିବକୁ ସତର୍କ କରାଇଦିଏ l

ଦିନେ ଧୋବାଟି ଗଭୀର ନିଦରେ ଶୋଇଯାଇଛି l ସେହି ସମୟରେ ଏକ ଚୋର ଆସି ଧୋବା ଘରେ ପଶିବାକୁ ଚେଷ୍ଟା କରୁଥାଏ l ଗଧଟି ଯେମିତି ଚୋକରୁ ଦେଖିଲା, ସେ କୁକୁରକୁ ଡାକି କହିଲା, ” ଭାଇ, ତୁମେ କ’ଣ ଜାଣିପାରୁନ କି ? ଗୋଟେ ଚୋର କେମିତି ମୁନିବର ଘରକୁ ପ୍ରବେଶ କରିବାପାଇଁ ଚେଷ୍ଟା କରୁଛି l ତୁମେ ଭୁକିବାକୁ ଆରମ୍ଭ କର l ଯାହାଦ୍ୱାରା ମୁନିବର ନିଦ୍ରା ଭଙ୍ଗ ହେବ l ”

ଗଧଟିର କଥା କୁକୁର ଶୁଣିଲା କିନ୍ତୁ ନ ଶୁଣିବା ଭଳି ପୁଣି ଶୋଇପଡ଼ିଲା l କିଛି ସମୟ ପରେ ଗଧଟି ପୁଣି ସେହି କଥା କହିଲା l କୁକୁର ବିରକ୍ତ ହୋଇ କହିଲା, ” ଗଧଭାଇ ! ମୁଁ ମୋ ମାଲିକର ଏକାନ୍ତ ବିଶ୍ୱସ୍ତ ଓ ଅନୁରକ୍ତ ଥିଲି l ତାର ଘରକୁ ଦିନ ନାହିଁ ରାତି ନାହିଁ ଜଗି ବସୁଛି l ସେ ନିରାପଦରେ ରହୁଥିବାରୁ ମୋତେ ସମ୍ପୂର୍ଣ ଅବହେଳା କରୁଛି l କିନ୍ତୁ ମୁନିବ ଜାଣିପାରୁନାହିଁ ମୁଁ ତା ‘ ପଇସା କେତେ ଉପକାରୀ l ସେ ମୋତେ ପେଟପୁରା ଖାଇବାକୁ ମଧ୍ୟ ଦେଉନାହିଁ l ତେଣୁ ତା’ର ଘରେ ଚୋର ପଶି ଚୋରୀ କଲେ ମଧ୍ୟ ମୁଁ ଭୁକିବି ନାହିଁ l ଏହାପରେ ମୁନିବ ମୋର ଆବଶ୍ୟକତା ଅନୁଭବ କରିପାରିବ l “

କୁକୁର କଥା ଶୁଣି ଗଧ କହିଲା, ” ଭାଇ, ତୁମେ ଏପରି କୁହ ନାହିଁ l ଯାହା ହେଲେ ମଧ୍ୟ ସେ ଆମର ପାଳନକର୍ତ୍ତା l ତାଙ୍କର ଅମଙ୍ଗଳ ଚିନ୍ତା କରିବା ଉଚିତ ନୁହେଁ l ” ଗଧର କଥା ଶୁଣି କୁକୁର କହିଲା, ” ବନ୍ଧୁ, ତୁମେ ସେ ସବୁ କଥା କିଛି ଜାଣ ନାହିଁ l ମୁନିବର ଯେତେବେଳେ ଦରକାର ସେତେବେଳେ ସେ ମଧୁର କଥା କହିବ l ମୁନିବର କାମ ସରିଗଲାପରେ ସେ ଖରାପ ବ୍ୟବହାର ଦେଖାଇବ l ” କୁକୁରର ଏପରି କଥାବାର୍ତ୍ତା ଶୁଣି ଗଧ ଖୁଵ ରାଗିଗଲା l କୁକୁରକୁ କହିଲା, ” ଦେଖ ! ବନ୍ଧୁ ତୁମେ ଯାହା କରୁଛ କର, ମୁନିବର ଘରକୁ ଚୋରଟି ପଶିଗଲାଣି l ଦୟାକରି ତୁମେ ଜୋରରେ ଭୋକ l ତୁମେ ତୁମର କର୍ତ୍ତବ୍ୟରେ ଅବହେଳା କରନାହିଁ l ତୁମେ ଯଦି ବର୍ତମାନ ନ ଭୁକିବ ମୁଁ ଜୋରରେ ବୋବାଇବ l ମୋର ପାଟି ଶୁଣିଲେ ମୁନିବର ନିଦ ଭାଙ୍ଗିଯିବ l ମୁନିବର ନିଦ ଭାଙ୍ଗିଗଲେ ଚୋରଟି ପଳାଇଯିବ l

ଏହାକହି ଗଧଟି ଜୋରରେ ବୋବାଇବାକୁ ଲାଗିଲା l ଗଧର ପାଟି ଶୁଣି ମୁନିବର ନିଦ ଭାଙ୍ଗିଗଲା l ସେ ସଙ୍ଗେ ସଙ୍ଗେ ରାଗିଯାଇ ହାତରେ ଗୋଟେ ବାଡ଼ିଧରି ଗଧକୁ ଆସି ଜୋରରେ ପିଟିଲା l ଶେଷରେ ଗଧଟି ଭୂଇଁ ଉପରେ ପଡି ଶେଷ ନିଃଶ୍ୱାସ ତ୍ୟାଗ କଲା l ଗଧଟି ପ୍ରକୃତରେ ତାର ମୁନିବର ମଙ୍ଗଳ ଚାହୁଁଥିଲା l କିନ୍ତୁ ମୁନିବ ଗଧକୁ ସେତିକି ବୁଝିପାରିଲା ନାହିଁ l କୁକୁରଟି ପ୍ରତିଦିନ ମୁନିବ ଦେହରେ ଘଷି ହୋଏ l ତାର ଲାଞ୍ଜକୁ ହଲାଇ, ଜିଭ ଲହ ଲହ କରି ପାଟିରୁ ଲାଳ ଗଡା଼ଏ l ଦରକାର ପଡିଲେ ମୁନିବକୁ ଖୁସି କରାଇବାପାଇଁ ଆଗ ଦୁଇଗୋଡ ମଧ୍ୟ ଟିକେ ଦିଏ l

ମୁନିବ ମଧ୍ୟ କୁକୁରର ଏପରି ଆଚରଣ ଦେଖି ଖୁସି ହୁଏ l କିନ୍ତୁ ମୁନିବ ସାମାନ୍ୟ ସ୍ନେହରେ ଭୁଲିଯାଇ କୁକୁରକୁ ଆଦର କଲା, ଅଥଚ ଯିଏ ପ୍ରକୃତରେ ଉପକାରୀ ତାକୁ ପିଟି ପିଟି ମାରିଦେଲା l ଜଣେ ସେବକ ସର୍ବଦା ତାର ମୁନିବ ପ୍ରତି ଅନୁରକ୍ତ ରହିବା ଆବଶ୍ୟକ l ଯେମିତି ଗଧଟିଏ ରହିଥିଲା l ହେଲେ ଶେଷରେ ଗଧଟି ପାଇଲା କଣ l ରାଜାଟିଏ ଯେପରି ମନରେ ଦୟା, ଧର୍ମକୁ ମୁଖ୍ୟ ସ୍ଥାନ ଦେଇଥାଏ, ସେହିପରି ମୁନିବର ହୃଦୟରେ ମଧ୍ୟ ଦୟା, ଧର୍ମ ରହିବା ଆବଶ୍ୟକ l ଯେଉଁ ବ୍ୟକ୍ତିର ହୃଦୟରେ ଦୟା ଭାବ ନଥାଏ, ଯିଏ ଭଲ ମନ୍ଦର ବିଚାର କରିପାରେ ନାହିଁ ସେ ମନୁଷ୍ୟ ନୁହେଁ ସେ ପଶୁ ପଦବାଚ୍ୟ l