Short Moral Story in Odia : Inspiring Life Lessons for All Ages

Discover a treasure trove of short moral stories in Odia that offer inspiring life lessons for readers of all ages. These stories are filled with wisdom, humor, and profound insights that can help you navigate the challenges of life. Whether you are looking for a quick dose of inspiration or a meaningful story to share with others, these Odia moral stories are sure to leave a lasting impact.

” ଅଶିକ୍ଷିତ ମାଆ🧕 “

ଏକ ମଧ୍ୟବିତ୍ତ ପରିବାରର ବାଳକ ଦଶମ ପରୀକ୍ଷାରେ
୯୦% ମାର୍କ ରଖିଥିଲା ….
ଯେତେବେଳେ ବାପା ମାର୍କ ସିଟ୍ ଦେଖିଲେ
ଖୁସିରେ ତାଙ୍କ ପତ୍ନୀଙ୍କୁ କହିଲେ …
” ଶୁଣୁଛ ….
ଆଜି ଖିରି କିମ୍ବା ମିଠା କିଛି ତିଆରି କର ।
ଜାଣିଛ, ପରୀକ୍ଷାରେ ଆମ ପୁଅ
୯୦% ନମ୍ବର ପାଇଛି ..”

ମାଆ ରୋଷେଇ ଘରୁ ଦୌଡ଼ି ଆସି କହିଲା… .
” ସତ…!
କାଇଁ,
ମୋତେ ଦେଖେଇଲ ସେ କାଗଜଟା  …”

ଏହା ଶୁଣି ପୁଅ ବାପାଙ୍କୁ କହିଲା …
… ” କଣ ବାପା,
ତୁମେ କାହାକୁ ମାର୍କସିଟ୍ ଦେଖାଉଛ ?
ସେ କଣ ପଢି ପାରିବ ?
ସେ ତ ପଢିନି … “

ଲୁହ ଭରା ଆଖିକୁ କାନିରେ ପୋଛି ମାଆ ଚୁପଚାପ୍ ରୋଷେଇ ଘରକୁ ଚାଲିଗଲା …

ବାପା କିନ୍ତୁ ମାଆର ସେ ଅନ୍ତରର କୋହ ବୁଝି ପାରିଥିଲେ …
ତା’ପରେ ସେ ସଙ୍ଗେସଙ୍ଗେ ପୁଅ କଥାରେ ଯୋଡି କରି କହିଲେ …
” ହଁ ପୁଅ, ତୁ ଠିକ୍ କହିଛୁ।
ପୁରା ଠିକ୍ …
ତୁ ପେଟରେ ଥିଲାବେଳେ,
ତୋ ମାଆ କ୍ଷୀରକୁ ବିଲକୁଲ ପସନ୍ଦ କରୁନଥିଲେ ବି
ତୋତେ ସୁସ୍ଥ ରଖିବା ପାଇଁ
ତୋ ମାଆ ନଅ ମାସ ପ୍ରତିଦିନ କ୍ଷୀର ପିଇଥିଲା ।
କାରଣ ତୋ ମାଆ ଅଶିକ୍ଷିତ ଥିଲା ନା ବୋଧହୁଏ ସେଥିପାଇଁ !

ଯେତେବେଳେ ତୋତେ ସକାଳ ସାତଟାରେ ସ୍କୁଲ ଯିବାକୁ ପଡିଲା,
ସେ ସକାଳ ପାଞ୍ଚଟାରେ ଉଠୁଥିଲା ।
ତୋର ମନ ପସନ୍ଦର ପ୍ରିୟ ଜଳଖିଆ,
ଟିଫିନ ଯେ ତିଆରି କରିବାର ଥିଲା …..
ଜାଣୁ କାହିଁକି ?
କାରଣ ସେ ଅଶିକ୍ଷିତ ଥିଲା ।

ତୁ ରାତିରେ ପଢି ପଢି ଶୋଇପଡୁଥିଲୁ,
କିନ୍ତୁ ସେ ଜଗି ବସେ ।
ଶୋଇବା ପରେ ତୋ ଖାତା ଏବଂ ବହି ବ୍ୟାଗରେ ରଖି ଦିଏ,
ତା’ପରେ ତୋତେ କମ୍ବଳରେ ଘୋଡାଇ ଦେଉଥିଲା
ଏବଂ ତାପରେ ଯାଇ ଶୋଉଥିଲା ।
ତୁ ଜାଣିଛୁ କାହିଁକି …?
କାରଣ ସେ ଅଶିକ୍ଷିତ, ସେଥିପାଇଁ …..

ପିଲାଦିନେ, ତୁ ଅଧିକାଂଶ ସମୟରେ ଅସୁସ୍ଥ ରହୁଥିଲୁ …
ଆଉ ସେ ରାତି ରାତି ଜଗି ଅନିଦ୍ରା ରହୁଥିଲା ।
ପୁଣି ସକାଳୁ କାମରେ ଲାଗି ଯାଉଥିଲା ….
ଜାଣିଛୁ କାହିଁକି ….
ସେ ଅଶିକ୍ଷିତ ଥିଲା ନା ସେଥିପାଇଁ !

ତା ପୁଅ ବ୍ରାଣ୍ଡେଡ୍ ପୋଷାକ ପିନ୍ଧିବ ବୋଲି
ମୋ ପଛରେ ପଡି ଯାଉଥିଲା,
ଆଉ ନିଜେ ବର୍ଷ ସାରା ସେଇ ଗୋଟିଏ ଶାଢୀରେ ରହୁଥିଲା ।
କାରଣ ସେ ପ୍ରକୃତରେ ଅଶିକ୍ଷିତ ଥିଲା, ନୁହେଁ କି ?

ପୁଅ …. ଶିକ୍ଷିତ ଲୋକ
ପ୍ରଥମେ ନିଜର ସ୍ୱାର୍ଥ ଏବଂ ମତଲବ ଦେଖନ୍ତି ।
କିନ୍ତୁ ତୋ ମାଆ ଆଜି ପର୍ଯ୍ୟନ୍ତ କେବେ ଦେଖିନି…
କାରଣ ସେ ଅଶିକ୍ଷିତ ନା ?

ତୋ ମାଆ ଖାଇବା ରାନ୍ଧି ଆମକୁ ପରସି,
ବେଳେବେଳେ ନିଜେ ଖାଇବାକୁ ଭୁଲିଯାଏ ।
କାରଣ…
ହଁ, ତୋ ମାଆ ଅଶିକ୍ଷିତ …
ଆଉ ମୁଁ ତୋ ମାଆ ପାଇଁ ଗର୍ବିତ ।”

ଏସବୁ ଶୁଣି ପିଲାଟି କାନ୍ଦିବାକୁ ଲାଗିଲା
ଏବଂ ତା ମାଆକୁ କୁଣ୍ଢେଇ ଧରି କହିଲା …
” ମାଆ …
ମୁଁ କାଗଜରେ ତ ୯୦% ନମ୍ବର ଆଣିଛି,
କିନ୍ତୁ ତୁ ମୋ ଜୀବନକୁ
୧୦୦% କରିଥିବା ପ୍ରଥମ ଶିକ୍ଷକ !
ମୁଁ ଆଜି ୯୦% ନମ୍ବର ପାଇବି ଅଶିକ୍ଷିତ,
ହେଲେ ତୁମ ପାଖରେ Ph.D. ଆଉ ଉଚ୍ଚ ଡିଗ୍ରୀ ଅଛି ।
କାରଣ ଆଜି ମୁଁ ମୋ ମାଆ ଭିତରେ ଲୁଚି ରହିଥିବା..
ଡାକ୍ତର, ଶିକ୍ଷକ, ଓକିଲ,
ଡ୍ରେସ୍ ଡିଜାଇନର୍, ସର୍ବୋତ୍ତମ କୁକ୍’ର
ଦର୍ଶନ ପାଇଲି ।
ମୋତେ କ୍ଷମା କର ମାଆ …
ମୋତେ କ୍ଷମା କର…..”

ମାଆ ତୁରନ୍ତ ନିଜ ପୁଅକୁ ଉଠାଇ
ଛାତିରେ ଲଗାଇ କୁଣ୍ଢେଇ ଧରି କହିଲା …
” ପାଗଳାଟା…
ଆଜି ଭଳି ଖୁସିର ଦିନରେ କଣ କାନ୍ଦନ୍ତି !
ଚାଲ୍ ହସ …”
ଆଉ ତାକୁ ଗେଲ ବି କଲେ ।

“🙏 ଦୁନିଆର ସମସ୍ତ ମାଆ’ଙ୍କୁ ଉତ୍ସର୍ଗୀକୃତ 🙏”

ପିତା ହେବା ଭାରି କଷ୍ଟ

“Being a Father is Hard: Understanding the Challenges and Rewards of Fatherhood.”.

ସୃଷ୍ଟି କର୍ତ୍ତା ଘୋଷଣା କଲେ
ସୃଷ୍ଟି କୁ ଆଗେଇ ନେବାକୁ ହେବ
“ପିତା” ଆବଶ୍ୟକ

ପିତା ! ଯିଏ
ଯାବତୀୟ କଷ୍ଟ ସହିବ
କିନ୍ତୁ କାନ୍ଦିବା ମନା.

ଦିନ ରାତି ପରିଶ୍ରମ କରିବ
ହାଲିଆ ହେବା ମନା.

ଉପାସ, ଭୋକରେ ରହିବ
ପାଟି ଖୋଲିବା ମନା.

ସ୍ନେହ,କରୁଣା,ଆଦର ବାଣ୍ଟିବ
ନିଜ ପାଇଁ ଖୋଜିବା ମନା.

ଏତେ ସବୁ ମନା ଭିତରେ କିନ୍ତୁ
ଆଗେଇ ଆସିଲେ ଜଣେ
ସେ ହେବେ ବାପା, ବା ପିତା !!

ବ୍ରହ୍ମା ସୂଚେଇ ଦେଲେ
ବାବୁ ରେ,
ତୁ ହେବୁ ଫୁଲମାଳ ଭିତରର
ଟାଣୁଆ ସୂତା ଟିଏ,
ଯିଏ ମାଳକୁ ସୁଦୃଢ କରିବ
ହେଲେ ବାହାରକୁ ଦିଶିବ ନାହିଁ.

ଘୃତ ହେବ ଦୁଗ୍ଧ ମଧ୍ୟରେ
ହେଲେ ଦୃଶ୍ୟମାନ ହେବନାହିଁ.

ମେରୁଦଣ୍ଡ ହେବ ଶରୀରର ସିନା
କେହି ଦେଖିବେ ନାହିଁ.

ଖାଦ୍ୟ ଭିତରେ ଲବଣ ପରି
କମ୍ ବେଶୀ ନ ହେଲେ
କେହି ଖୋଜିବେନି ତତେ.

ସମ୍ମତି ଦେଲେ ବାପା.
ସତ୍ୟ,ସତ୍ୟ,ତ୍ରୀବାର ସତ୍ୟ
ସବୁ ପାରିବି ତୁମ ସୃଷ୍ଟି କୁ
ଆଗେଇନେବା ପାଇଁ
ପିତା ହେବି ,
ବିଶ୍ଵ ର ସବୁ ପିତା, ସବୁ କଟୁକ୍ତିକୁ
ସହ୍ୟ କରି, ହଜମ କରି !!

ପ୍ରଜାପତି ହସିଲେ ଓ କହିଲେ :-

ମୁଁ ସୃଷ୍ଟିକର୍ତ୍ତା ହେଲେ ବି
ମୋର ପୂଜା, ସମ୍ମାନ ଯଥେଷ୍ଟ କମ୍।

ତୁ ବି ଜୀବଦ୍ଦଶାରେ
ଉଚିତ ସମ୍ମାନ ନ ପାଇପାରୁ
ତେବେ ତୁ ପଚଂଭୂତର
ଦୁଇଟି ମୁଖ୍ୟ ଉପାଦାନ “ବାପା”
ବା ୟୁ ଓ ପା ଣି ଭଳି
ଅହରହ ସେବା ଦେଇ ଚାଲିଥିବୁ
ବିନା ପ୍ରାପ୍ତି ର ଆଶା ରେ …
😊😊😊

🙏🙏🙏

visit our best movie list post click here

Thank you for Reading our Short Moral Story in Odia